Switch帶你隨身玩GTA

之前 Rockstar 出乎意料地宣佈《L.A. Noire》除左會出 PS4 升級版之外,仲會出 Switch 版本。呢個消息即時令好多人聯想到:下一隻會唔會就係 GTAV?估唔到依家似乎真係有好消息!

外國遊戲討論區 NeoGAF 有好多遊戲界嘅人匿名參與討論。早喺 Rockstar 宣佈 Switch 版《L.A. Noire》之前,一個叫 Vern 嘅人已經預告左呢個消息。佢聲稱同 Rockstar 入面嘅人「有關係」,所以提前收到內幕消息。

最近有人問佢:「咁 GTAV 又有冇份?」佢竟然答:「要有耐性。」之後佢仲補充話係由「最可靠來源聽到。雖然佢唔可以講明係邊一隻同幾時出,但我 get 到嘅就係 Switch 版 GTAV。」

其實 GTAV 最初係 2013 年喺 PS3 推出,雖然畫質未必比得上 PS4 版,但以依家 Switch 嘅能力玩到都絕對唔出奇…你估有冇可能成真?

您可能也會喜歡…