還想回到車路士效力球員 ( 奧斯卡 )

前車路士中場球員,現效力中超上海上港既奧斯卡在接受傳媒訪問時指出,未來將會重番英超賽場,如果車路士讓他重回史丹福橋的話,他定必一口答應。但番回現實,依加既車路士仲需要奧斯卡嗎?

干地上季上任後,的確被外界認為能夠成為奧斯卡職業生涯既轉捩點,始終巴西人自改造後一直都被「工兵化」,經已缺少了當日加盟既助攻創造力,同時間在干地還帶領祖雲達斯時期,已經對奧斯卡情有獨鍾,必定會成為手下重要一員。

VIENNA, AUSTRIA – JULY 16: Oscar (R) of Chelsea competes for the ball with Mario Pavelic (L) of Rapid Vienna during an friendly match between SK Rapid Vienna and Chelsea F.C. at Allianz Stadion on July 16, 2016 in Vienna, Austria. (Photo by Matej Divizna/Getty Images)

開季後的確有安排奧斯卡為正選,位置為中場偏向進攻方面,伙拍馬迪負責後場與前場之間既輸送,但五場波之中巴西人只交出一腳助攻,表現並未特別亮眼,更喺對陣阿仙奴時未獲上陣機會,而干地在此仗大敗過後就立即轉陣到343,奧斯卡所獲得既機會就只係後備上陣果幾十什至係幾分鐘,之後就受傷患困擾缺席三場賽事,到出番黎既時候係連後備名單都無,就到了季中轉會窗。

中超上海上港當時以高達6000萬歐元向車路士提出收購奧斯卡,以一名藍軍既後備球員黎計,哩個轉會費數字絕對吸引,說實話干地同球會放走佢亦屬「迫不得已」,一黎奧斯卡打唔上正選,二黎用6000萬歐元比干地去收購一啲啱使啱用既球員更加有利可圖,最終巴西人以破記錄轉會費登陸中超。

回歸現實,講番依加既車路士仲需唔需要奧斯卡,干地開季至今車路士主要圍繞兩套陣式343同352,而喺奧斯卡離開藍橋過後,意大利人所收購既中場人員當中並無一位係能夠擔任攻擊中場,這意味著其實干地既戰術入面中場球員必定要多功能,基本走上走落之外攻守能力都需要有,法比加斯亦被批評需要改善防守,而簡迪亦需多加遠射。

奧斯卡自加盟上海上港以黎一直都擔任球隊既攻擊中場,哩個亦係佢既最佳位置,雖然先前被摩連奴「工兵化」,但以功能性黎講即使重回藍橋亦好難爭到正選十一人一席位。早前德國媒體《Transfermarkt》對中超一眾外援進行既最新估算,奧斯卡既身價經已由上季6000萬歐元下降至2200萬歐元,如果以哩個數字收購一名後備球員,啱唔啱用就真係見仁見智。

當日穿起傳奇前鋒杜奧巴既11號,及後再穿另一傳奇中場林佰特既8號,你又想唔想再次見到佢番黎藍橋效力?

 

 

 

您可能也會喜歡…